LANDS RED FLAGS 🚩

 LAND RED FLAGS 🚩🚩/

If you wan buy land and you hear or see the things I want list now, no buy the land. 👇

1. If them tell you say the land dey 5 minutes drive from Port Harcourt airport, no buy. Na lie. 

2. If them tell you say the land dey opposite Rivers State University for Abara, no buy. Ask questions first. Na format. 

3. If them tell you say them don sell all the plots say na this plot you wan buy remain, no buy. 

4. If the real estate CEO dey always show wealth for social media, no buy. Possibility dey say the CEO na skkammer. Him dey show those things to impress you. 

5. If them no gree follow you go meet the natives to confirm say them buy land there, run. 

6. If them tell you make you no bring your own lawyer because their lawyer go handle everything, my brother my sister, run. No look back. 

7. If the land dey Igbo-Etche no buy. If you go buy, confirm say the land dey genuine from 20 people (10 indigenes and 10 non-indigenes). 

8. No buy land for dry season. If that area never dey develop. 

9. If you wan buy family land and some Gen Z boys tell you say na them dey represent the community, run. No look back. 

10. If you wan buy land from family and 2-3 people talk say na them be the head of the family, try meet the whole family or at least 60% of the family members. If them no gree, run. 

11. If them tell you say the land dey opposite Salvation Ministries proposed university site, run. Them don dey sell land there for years, the land no dey finish? 

12. If you wan do findings for land and them dey try block you, run. 

13. If you wan buy land from polygamous family and some members no want make you meet everybody for the family, run. 

14. If you wan buy land from Real Estate Company and them no indicate whether the land dey residential or industrial area, run. No look back. Them never get approval from government. Make person no open Mini Casablanca for front of your house. 🤣

15. If land dey near pipeline, no buy. 

16. If land dey too close to any government institution or property, no buy. One day, you go face dem;oli;tion. 

17. If Ikwerre man wan sell land to you, and him no want make you confirm the land from their family Chief, Ojiowhor or community people, run. Tuwama, no think am two times. 

18. Before you buy land for Rivers State, find out whether the land dey "TOMORROW IS TOO FAR" any deity for AHOADA, ETCHE" or EMOHUA LGA, You gerrit? If you don't gerrit, forget it. 

19. Before you buy land, find out whether the land get small Court case for 20 years. 

20. If you see land we no dey developed for years and other land them don dey developed and some of those developed ones don dey old sef, just know say that land get small small Court oor Juju case wey don pass 30 years. 

21. If real estate people tell you say you no need go ministry of lands go make inquiries, run. 

22. If them they hurry you, no buy. 

23. If them tell you buy one, get one free. My brother, my sister, call Police for them. 🤣

Finally, take number 4,6,7,18 and 23 serious. ❗

No ever carry 7 and 18 play. ❗❗❗❗

Share make you save somebody today. ✅✅

Check comment section👇